جدول أحلى رمضان فى حياتى

السلام عليكم و رحمه الله و بركاته

كل عام و انتم الى الله اقرب و من الجنه ادنى و عن النار ابعد

شعارنا فى رمضان هذا العام
" لن يسبقنى اٍلى الله أحد "

و عشان كده هنعمل جدول حلو لرمضان السنه دى

تعالوا نتفق كلنا ع الجدول ده
و نمشى عليه
و نجاهد نفسنا
لعل الله ينصرنا على أنفسنا بعد رمضان فنكون من المتقين
و لعل رمضان هذا العام هو اخر رمضان لنا

فقد قال الحبيب صلى الله عليه و سلم
" رغم أنف عبد أدرك رمضان و لم يُغفر له "
و قال ايضا
" خاب و خسر من ادرك رمضان و لم يُغفر له "

و هذا الشهر من نفحات الله التى اذا تعرضنا لها لا نشقى بعدها ابدا باٍذن الله

طيب مش هطول عليكم ده الجدول بتاعنا

الصلاه
طبعا الفرائض هكلها جماعه اولى للرجال فى المسجد
و النساء فى اول الوقت

السنن

قبل الفجر ركعتين
قبل الظهر اربعه و بعده اربعه
قبل العصر اربعه
بعد المغرب ركعتين
بعد العشاء ركعتين

8 ركعات ضحى
8 تراويح
13 تهجد

يبقى 47 ركعه سنه و 17 فرض يعنى 64 ركعه فى اليوم
" أعنى على نفسك بكثره السجود"

و ده طبعا لمن يريد مرافقه الحبيب صلى الله عليه و سلم فى الجنه

القرآن
10 أجزاء قراءه
ازاى ؟؟؟

احنا عندنا 5 صلوات فرائض فى اليوم
قبل كل فرض جزء
و بعده جزء

و اللى بيشتغلوا ممكن يخلوهم 5 بس
و ان كان الامر مش صعب و ناس كتييييير بتشتغل بتعمله بفضل الله

و عندنا ختمه فى التراويح

و عايزين نعمل ختمه للتهجد فى ال 20 يوم الاوائل
يعنى فى لايوم جزء و نص للختمه
يعنى كل ركعه فى التهجد بربع
و الله مش كتير
و العشر ايام الاواخر يبقى عندنا ختمه تانيه فى التهجد ان شاء الله

الذكر
كل يوم نستغفر
و نصلى على النبى
و سبحان الله و بحمده سبحان الله العظيم
و الباقيات الصالحات
" سبحان الله و الحمد لله و لا اله الا الله و الله اكبر "
و لا حول و لا قوه الا بالله

كل واحد على قدر استطاعته

و لا اله الا الله وحده لا شريك له له الملك و له الحمد و هو على كل شىء قدير
100 مره

و طبعا اذكار الصباح و المساء و اذكار الصلاه و اذكار النوم

الصدقه
يكون لينا صدقه يوميه
ول و بشق تمره

و طبعا نحاول نساهم فى افطار الصائمين بقدر المستطاع

و اهم حاجه نظبط اخلاقنا و نظبط قلوبنا
حتى لا نخرج من رمضان كما دخلنا

الدعاء
ياريت يكونة لينا كل يوم دعاء و لو قصير
خلوه مع الله
نناجيه فيها
و ليكن قبل الفطار مباشره و قبل المغرب مباشره

و لا تنسونى من دعوه بظهر الغيب
كل واحد فينا يدعو للباقى
و لا تسوا الدعاء لاخواننا المسلمين فى كل مكان

و ان شاء الله موعدنا فى قصر النبى صلى الله عليه و سلم

جزاكم الله خيرا

[color=red]مشكورة أختى على الموضوع الجميل

وبارك الله فيكى وتقبل الله منا ومنكم صالح الأعمال[/color][b]